كلمات بتقولها كل البنات !!!!!!!!!!!
جمل معروفه ومحفوظة بتقولها كل البنات ( تحترم نفسها ) من ام الست كيلوبترة - الملكة طبعا مش ماركة السجاير - الي يومنا هذا , واهم هذه الكليمات هو السؤال الشهير المهم والمبجل والظريف والطريف والذي تقوله اي بنت مستحلية نفسها للشاب الي بترسم عليه : -
" اية رأيك في ؟؟؟؟؟؟؟؟ " وهو سؤال بحق يبدو بريء في نظر السذج فقط !! فهذا السؤال هو المقدمة الرايسية لتكتيفك طول فترة الكلية , فقولي انت لو اتسألأت السؤال ده هاتقول اية ؟؟
اية !! انت اهب ياض عشان تقولها كده هههههــــ الي الاخر عاوز يقولها انها زي الفل ومفهاش عيوب انت كده يبقي بتبصبح ولبست المشوار كله مش انت قلتها كلام حلو وان تعارف ان شرف البنت زي عود الكبريت يبقى ابعد عن الاجابة دي .
طيب حد عنده اجابة ثانية ؟؟؟؟؟؟؟
اهو ده الهبل بعينه عاوز تقلها انها فيه وفيها وفيها من العيوب
هتقولك هي ( وهي تنظر في عينك ) :- بس بالرغم من كل العيوب دي انا مستعده اتغير عشانك .
وطبعا بما ان الرجاله ماتو في 73 وانك شاب مصري هرموناتك بتكلك , فستكون النتيجة الحتمية هي انك اسثبت ياريس وبقيت ملك ايديها وطبعا الفرحه الطاغية سوف تغزوك فهذه فتاة تريد ان تتغير بالرغم من كل شيء ما اجل جمال وحلاوة وخفة ده الي جابو الابعد .
وبذلك اصبح قلبك مفتوح امامها مثل .......... لا بلاش دي اقصد احم مثل برلين امام الحلفاء .
وطيب ةابة العمل ده مش نافع وده مش نافع اما اية ؟؟؟؟؟؟؟؟؟؟؟؟؟
انا سامع واحد بيقول لي تقولها عادي يعني انتي ذي كل البنات .
وهذه هي الكارثة كيف تقول ذلك فسوف ترد عليك باكثر جملة تقولها البنات حتي اني اظن انههن تعلموها وهن في الرحم , فهتقولك :- بس انا مش زي كل البنات , وتقعد تتكلم علي نفسها ساعة وهي بتبص في عينك لغلاية متبوظ العملية معاك وتقع في الفخ .
خلاص خلاص مش عارف تعمل اية , طيب يا سيدي اتبع التعليمات الاتية :-
عندما تسألك اية رايك في ؟
قولها :- رأيي فيكي من اي زاوية , انتي عرفه ان الانسان متعدد الزوايا وانه من الصعب الحكم علية من زاوية واحد , فمثلا شارون هو بالنسبة لي سفاح وبالنسبة لليهود بطل قومي فالرؤية تختلف وعندك مثلا الخنزير هي حيوان مقرف بالنسبة لي اما بالنسبة للحيوانات الاخرى فقد لايكون كذلك , ويجب عليك ان تحددي لي ما هي الزاوية بالضبط التي تريدي ان احكم عليكي من خلالها .
وطبعا الكلام الاسبق هايخليها لو عوزة ترسم عليك تكرة الساعة السودة التي جعلتها تفكر في ذلك وتقوم وتسيبك دون اي تعليق لان كلامك _ وهذا مؤكد _قد اصابها بحاله من الغثيان